உன்னி கிருஷ்ணன் மகள் உத்ரா உன்னி கிருஷ்ணன் பாடிய பாடல்

குரல் வளம் என்பது பாரம்பரியத்துக்கு உரியது என்றால் நம்பி தான் ஆக வேண்டும் . இசை ஞானமும் அப்படிதான் என்றால் அது வரம் என்று தான் கூற வேண்டும் . சமீபத்தில் 'சைவம்' படத்தின் பாடல் பதிவு இசை அமைப்பாளர் ஜி. வி .பிரகாஷ் இசை அமைப்பில் , நா. முத்துகுமார் இயற்றிய ' அழகே ...அழகே ' என்ற வரிகளுடன் பதிவு ஆனது . பதிவு அறைக்கு பிரபல பாடகர் உன்னி கிருஷ்ணன் வந்து இருந்தார் . ஆனால் பாடியது அவர் இல்லை !!! மழலை மாறாத ஒரு சின்ன குயில் !!! அந்த குயிலுக்கு பாடல் பயிற்சி கொடுத்து வந்தார் உன்னி கிருஷ்ணன். 

அந்த குயிலின் பெயர் உத்ரா உன்னி கிருஷ்ணன். மெய் மறக்க செய்யும் குரலில் நம்மை மயக்கிய உன்னி கிருஷ்ணனின் மகள் தான் அவர் . ' இந்த வயதில் இப்படி ஒரு ஆழ்ந்த இசை ஞானத்தை பார்த்ததே இல்லை...பயிற்சியாலோ , பாரம்பரியதாலோ , மட்டும் வருவதில்லை இசை ஞானம் . அது ஒரு வரம் என்பதற்கு உதாரணம் உத்ரா உன்னி கிருஷ்ணன்தான். குழந்தை நட்சத்திரம் சாராவுக்கு பொருத்தமான குரல் வேண்டும் என்று இயக்குனர் விஜய் மென கெட , தேடல் ஆரம்பித்தது. தேடும் போது கிடைத்த பொக்கிஷம் உத்ரா. 

உத்ராவின் குரலில் சாராவின் அபிநயத்தில் ' அழகே அழகே ' மிக வித்தியாசமான ஒரு அனுபவமாக இருக்கும் , இயக்குனர் விஜய் உடன் இணைந்து நான் பணியாற்றிய படங்கள் அனைத்தும் இசையில் பெரும் வெற்றி பெற்ற படங்கள் , இந்த படமும் விதிவிலக்கல்ல ' என்று குரலில் பெருமை பொங்க கூறுகிறார் இசை அமைப்பாளர் ஜி. வி .பிரகாஷ் . ' அழகே அழகே ' பாடலின் teaser இன்று வெளியிட படுகிறது . SONY மியூசிக் ' சைவம்' படத்தின் இசை உரிமையை பெற்று இருக்கிறது . 'சைவம் ' இசை வெளியீட்டு விழா ஏப்ரல் மாதம் 5ஆம் தேதி நடை பெற உள்ளது