கோடையில் வெளிவரும் திருமணம் என்னும் நிக்கா

' திருமணம் எனும் நிக்கா' கோடை கால வெளியீடு என அறிவித்தார் தயாரிப்பாளர் ஆஸ்கர் ரவிச்சந்திரன்.

மிக வித்தியாசமான கதை , வித்தியாசமான கதை களம் என்ற வகையில் எல்லோராலும் பெரிதும் எதிர்பார்க்க பட்ட ' திருமணம் எனும் நிக்கா' அடுத்த மாதம் வெளி வரும் என தயாரிப்பாளர் ஆஸ்கார் ரவிச்சந்திரன் அறிவித்தார் .


'புரிதல் அவசியம் ' என்ற உன்னத கருத்தை வலியுறுத்தும் இந்த படம் காதலுக்கும் ஊடலுக்கும் இடையே புரிதலின் முக்கியமான பங்களிப்பை பற்றி கூறும் படமாகும் .இயக்குனர் அனீஸ் திருமணம் எனும் நிக்கா படத்தை படத்தை பற்றி பேசும் போது ' இந்த படம் நமது நாட்டின் பிரதானமான இரு மதங்களின் சம்ப்ரதாயங்களையும் , கலாசாரத்தையும் பின்னணி ஆக வைத்து எடுக்க பட்ட படமாகும். நஸ்ரியாவின் நடிப்பும் சரி தோற்ற பொலிவும் சரி , அவருக்கு என் இப்படி ஒரு புகழ் என்பதற்கு விடை கொடுக்கும் .ஜெய் எங்கேயும் எப்போதும் எல்லோரையும் எப்போதும் கவரும் வண்ணம் நடித்து உள்ளார் . இசை அமைப்பாளர் கிப்ரானின் இசை இந்த படத்தின் வெற்றிக்கு பெரிதளவு உதவும் .தயாரிப்பாளர் ஆஸ்கர் ரவிசந்திரன் சாருக்கு என் மீது நம்பிக்கை வைத்து படம் தந்தமைக்கு இந்த நேரத்தில் நன்றி கூற கடமை படுகிறேன். 

திருமணம் எனும் நிக்கா , குடும்பத்தோடு பார்த்து மகிழும், ஒரு மெல்லிய காதல் இழை ஓடும் , மெய்மறக்க செய்யும் இசை கலந்த 'Feel good ' movie என்கிறார் .