சாகசமும் ஆபத்தும் ஒரு நாணயத்தின் இரு பக்கங்கள் என்பதை குறித்த படம் ' கார்த்திகேயன்'

தரமான சின்ன படங்களுக்கு கிடைக்கும் வரவேற்பு அதை போன்ற படங்களை தயாரிக்க ஊக்குவிக்கிறது . இந்த தர வரிசையில் தற்போது தயாராகி வரும் படம் தான் ' கார்த்திகேயன் ' 

Magnus Cine prime pvt ltd மற்றும் Navya visual media என்ற நிறுவனத்தின் சார்பில் B .V .ஸ்ரீநிவாஸ் மற்றும் மல்லிகார்ஜுன் தயாரிக்கும் இந்த படத்தில் சுப்ரமணியபுரம் சுவாதி கதாநாயகியாக நடிக்கிறார் .அவருக்கு இணையாக புது முகம் நிகில் நடிக்க , தமிழ் திரை உலகின் படங்களில் தூணாக திகழும் ஜெயபிரகாஷ் மற்றும் கிஷோர் வலுவான கதாபாத்திரங்களில் நடிக்க , ' பண்ணையாரும் பத்மினியும் ' படத்தின் மூலம் எல்லோருடைய பாராட்டுகளையும் அள்ளிய துளசி முக்கிய கதாபாத்திரத்தில் நடித்து உள்ளார் . 

சாகசமும் ஆபத்தும் ஒரு நாணயத்தின் இரு பக்கங்கள் என்பதை குறித்த படம் ' கார்த்திகேயன் '. புதிய இயக்குனர் சந்து கதைக்கேற்ப காட்சி அமைப்புடன் ரசிகர்களை நாற்காலியின் நுனிக்கு வரவழைக்கும் நவீன பாணியில் படத்தை இயக்கி உள்ளார் . ஜி. கார்த்திக் அந்த தருணங்களை நேர்த்தியாக படம் பிடித்து உள்ளார். சேகர் சந்திரா காட்சி அமைப்புக்கேற்ப இசை அமைத்து உள்ளார். 

இறுதி கட்ட பணிகள் முடிவடைந்த நிலையில் உள்ள ,இந்த ஜனரஞ்சகமான படம் ஏப்ரல் மாதம் திரைக்கு வர உள்ளது .